ШҚО медициналық мекемелерінде комплаенс-қызметтер белсенді енгізілуде.
ШҚО медициналық мекемелерінде комплаенс-қызметтер белсенді енгізілуде
2022 жылғы 12 мамырда Өскеменде облыстың медициналық ұйымдарының басшыларымен және комплаенс-қызметіне жауапты тұлғалармен кеңес өтті. Кеңес барысында ШҚО медициналық ұйымының 150-ден астам өкілі қатысты. ҚР Сыбайлас жемқорлыққа қарсы іс-қимыл Агенттігінің ШҚО бойынша департаментінің превенция басқармасының басшысы Архат Бейсембаев пен осы басқарманың бас маманы Гүлназ Байқадамова сыбайлас жемқорлыққа қарсы заңнаманың нормаларын және комплаенс-қызметтердің жұмысын ұйымдастыруға қатысты мәселелерді түсіндірді.
Сонымен қатар, кеңеске ҚР Президенті жанындағы АМУ филиалының директоры Сергей Ковалев қатысты, ол өз сөзінде ISO 37001:2016 сыбайлас жемқорлыққа қарсы іс-қимылдың менеджмент жүйесі тақырынбында баяндама жасады.
Медициналық мекеме ұжымдарында сыбайлас жемқорлыққа қарсы мәдениетті қалыптастыру бойынша жүргізіліп жатқан шаралар туралы егжей-тегжейлі тоқталды, бұл сыбайлас жемқорлық әрекеттерін азайтуға немесе болдырмауға көмектеседі.
Заңнамаға сәйкес барлық денсаулық сақтау ұйымдары сыбайлас жемқорлыққа қарсы іс-қимыл субъектілері болып табылатынын атап өту қажет, сондықтан олар сыбайлас жемқорлықтың алдын алу, сондай-ақ сыбайлас жемқорлық құқық бұзушылықтар жасауға ықпал ететін себептер мен жағдайларды азайту жөнінде шаралар қабылдауға міндетті.