Бүгін Абай облысы ДСБ “Облыстық қан орталығы” ШЖҚ КМК- да “Мен тромбоциттер донорымын” айдарына қан мен тромбоциттердің тұрақты доноры Асқарбек Мақсұтұлы Байчалаковты ұсынады.

Асқарбек Мақсұтұлы алғаш рет 2006 жылы анасына қан құю қажет болған кезде қан тапсырған. Бұл маңызды қадам ол үшін қан доноры болуға жол ашты. Бүгінгі таңда Асқарбек Мақсұтұлы 37 мәрте қан донациясын жасады, оның ішінде 30 мәрте қан донациясы және 7 мәрте аппараттық тромбоцитаферез.
Асқарбек Мақсұтұлы пациенттерге оның көмегі қаншалықты маңызды екенін жақсы түсінеді, сондықтан үнемі қан тапсыруға тырысады. Ол донор болу туралы ақпаратты басқалармен бөліседі, оның маңыздылығы мен қажеттілігін түсіндіреді.
Абай облысы ДСБ “Облыстық қан орталығы” ШЖҚ КМК адам өмірін құтқару ісіне қосқан баға жетпес үлесі және басқаларға риясыз көмек көрсеткені үшін Асқарбек Мақсұтұлына үлкен алғысын білдіреді! Сіздің батылдығыңыз бен мейірімділігіңіз көптеген адамдарға үлгі болды. Сіз жай ғана донор емессіз, сіз нағыз батырсыз! Сізге денсаулық, табыс, амандық және бар жақсылықты тілейміз!