«Біздің қызметкерлер» айдарында Саркулова Азиза Қайратқызы, қан және оның компоненттерін дайындау бөлімінің қан компоненттерін өндіру тобының операциялық мейірбикесі.

Азиза Қайратқызы 2012 жылы Д.Қалматаев атындағы Мемлекеттік жоғарғы медициналық колледжін бітіргеннен кейін бірден Қан орталығына жұмысқа орналасты. Бүгінгі таңда оның еңбек өтілі 12 жыл 5 айды құрайды.
Азиза Қайратқызы – кәсіби біліктілігі жоғары, тәжірибелі мейірбике. Қан компоненттерін өндіру тобындағы жұмыс үлкен ұқыптылықты, жинақылықты және жауапкершілікті талап етеді. Күн сайын, көптеген жылдар бойы, ол өз еңбегін өмірді сақтап қалуға көмектесетін өндіріске арнауда. Жұмыс қарқыны жоғары болғанына қарамастан, Азиза Қайратқызы Қан орталығының қоғамдық өміріне де белсенді қатысады. Ол – өмірге құштар, көтеріңкі көңіл-күймен жүретін, шығармашылыққа жақын жан.
Кәсіби деңгейін үнемі арттыруды мақсат тұтқан Азиза Қайратқызы 2023 жылы Семей медицина университетінде «Мейірбике ісінің бакалавры» дәрежесін алды.
Абай облысы ДСБ “Облыстық қан орталығы” ШЖҚ КМК Сізге, Азиза Қайратқызы, өз ісіңізге деген адалдығыңыз, кәсібилігіңіз және орталықтың жұмысына қосқан баға жетпес үлесіңіз үшін алғыс білдіреді. Сіздің күнделікті еңбегіңіз адамдардың өмірін сақтап, реципиенттердің өмір сүру сапасын арттыруға көмектесуде.
Сізге зор денсаулық, мол бақыт, амандық, кәсіби қызметіңізде табыс және жаңа жетістіктер тілейміз!