Донордің көктамыры.

Кейде көктамырлардың анатомиялық құрылысы донор болуға кедергі келтіруі мүмкін. Процедураның сәтті және қауіпсіз өтуі үшін донорда көктамырға қолжетімділік жақсы болуы тиіс — яғни қан алу барысында қолданылатын көктамыр кең, қанның айналымы жақсы және бүкіл процедура бойы тұрақты болуы қажет.
Процедураның ұзақтығы:
- Қанды тапсыру орта есеппен 15 минутты алады.
- Тромбоциттерді тапсыру — 40 минуттан 1,5 сағатқа дейін созылады.
Осы уақыт бойы иненің көктамырда тұратынын ескерсек, оның ұзақ уақыт бойы мықты және ыңғайлы болуы өте маңызды.
Кейбір адамдардың көктамырлары табиғатынан жіңішке, тармақталған немесе терең орналасқан болуы мүмкін. Мысалы, бір ірі көктамырдың орнына бірнеше жіңішке көктамырлары болуы ықтимал. Бұл қалыпты жағдай және қандай да бір аурудың белгісі емес. Алайда, мұндай көктамырлар жылдам тромб түзіп, жиі донор болған жағдайда уақыт өте келе тереңірек бойлап кетіп, қолжетімсіз болуы мүмкін.
Сондай-ақ, донорлықта қолданылатын инелер процедуралық бөлмелерде қанды талдауға алатын инелерге қарағанда сәл жуан болатынын ескеру қажет. Сондықтан, егер дәрігер көктамырлық қолжетімділікті жеткіліксіз немесе жарақат әкелуі мүмкін деп бағаласа, ол донор болуға рұқсат бермеуі мүмкін — бұл шешім тек сіздің денсаулығыңызды қорғау мақсатында қабылданады.
Осындай жағдайларға түсіністікпен қарауыңызды сұраймыз.
Қан орталығының басты мақсаты — донордың қауіпсіздігін қамтамасыз ету, жағымсыз әсерлерді барынша азайту және сіздің денсаулығыңызды сақтау.
Көмек беруге деген ниеттеріңіз үшін алғыс айтамыз және әр донорға қамқорлықпен қараймыз!