2025 жылғы 18 шілдеде Абай облысының ДСБ «Облыстық қан орталығы» ШЖҚ КМК базасында "Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті" мемлекеттік мекемесінің Абай облысы бойынша қызметкерлерінің қатысуымен донорлық акция өтті.
Мекеме қызметкерлері әрдайым белсенді түрде қан донорлығына қатысып, әлеуметтік жауапкершілік, саналы азаматтық және қан компоненттеріне аса мұқтаж жандарға көмектесуге ұмтылыс танытып келеді.
Мұндай акциялар – реципиенттердің өмірі мен денсаулығын сақтауға қосылған баға жетпес үлес болып табылады. Донор болу – біреудің қаһарманына айналып, үміт пен өмірге жолдама сыйлаудың нақты мүмкіндігі.
Абай облысының ДСБ «Облыстық қан орталығы» ШЖҚ КМК барлық қатысушыларға шын жүректен алғыс білдіреді!
Бұл игі іс өзіңізге еселеп денсаулық, амандық және қуаныш болып оралсын!
Біз барлық жанашыр азаматтарды донорлық қозғалысқа қосылып, өмірді сақтауға мүмкіндік сыйлауға шақырамыз!
#АбайОблысыҚанОрталығы #ДонорлықӨмірСақтайды #ДонорБол #РақметДонор #Жақсылық #ДонорлықАкция #ҚанОрталығы
Қазақстан Республикасы, Абай облысы,
Семей қ., Сеченов көш., 4/3
