Қан тапсырғаннан кейін азғаны қалай қалпына келтіруге болады?

Қан тапсырғаннан кейін бірден 10-15 минут отыра тұру және демалу ұсынылады.
Бас айналу немесе әлсіздікті сезінсеңіз, қан орталығының қызметкерлеріне хабарлауыңыз керек.
Қолайсыздықты жоюдың ең оңай жолы — жатып, аяғыңызды басыңыздан жоғары көтеру.
Шынтақтағы таңғышты 3-4 сағат бойы алып тастауға немесе сулауға болмайды.
Қан тапсырғаннан кейін кем дегенде бір сағат бойы темекі шегуден, физикалық белсенділіктен, моншаға барудан және 24 сағат бойы алкогольді ішуден бас тарту керек.
Қан тапсыратын күні көлік жүргізуге шектеу қойылмайды.
Қан тапсырғаннан кейін келесі екі күнде көп және ұдайы тамақтану ұсынылады, сонымен қатар күніне кемінде 2 литр сұйықтық ішу қажет.
Қан құрамын қалпына келтіру үшін донордың диетасында темір мен ақуызға бай тағамдар болуы керек. Бұл өнімдерге: ет, жұмыртқа, балық, қызылша, қарақұмық, бұршақ, кептірілген өрік жатады.
Донордың қан құрамының толық қалпына келуі қан тапсырғаннан кейін 30-40 күннен кейін болады.
Қанның әртүрлі компоненттерінің қалпына келу жылдамдығы әртүрлі:
— эритроциттер организмде 4-6 апта ішінде қалпына келеді;
— лейкоциттер мен тромбоциттер — қан тапсырғаннан кейінгі бірінші аптаның соңына қарай;
— плазма көлемі 1-2 күн ішінде қалпына келеді.
Қан тапсыру арасындағы аралық 60 күн, ал тромбоциттерді 14 күннен кейін тапсыра беруге болады.
#Абайоблыстыққанорталығы
#қандонорлығы