Іс-шара барысында донорлар гемопоэтикалық дің жасушаларының донорларының Тіркеліміне қосылу ережелерімен, гемопоэтикалық қан түзуші дің жасушаларын жинау әдісімен, донордың құқықтары және міндеттерімен, жасуша жинау процедурасына қарсы көрсетілімдермен таныстырылды.
Ауыр онкологиялық және гематологиялық аурулары бар науқастарға гемопоэтикалық дің жасушаларын трансплантациялау олардың өмірін сақтап қалу мүмкіндігі болып табылады. Реципиент үшін генетикалық егізді табу ықтималдығы өте аз және егер табылған жағдайда, бұл өмірді сақтап қалу үміті, адам үшін керемет үлкен оқиға және үлкен бақыт.
Қазақстан Республикасындағы гемопоэтикалық дің жасушаларының донорларының Тіркеліміне 11800-ден астам әлеуетті донорлар кірген. Бүгінгі таңда 15 трансплантация сәтті өтті. Олардың екеуі біздің Қан орталығындағы үгіт-насихат жұмыстарының арқасында Тіркелімге енгізілген және Семей қаласында тұратын донорлардан алынған. Абай облысы ДСБ «Облыстық қан орталығы» ШЖҚ КМК мекемесі немқұрайлы қалмай, қан түзетін дің жасушаларының донорларының Тіркеліміне қосылған адамдарға өз алғысын білдіреді! Генетикалық егіздерінің өмірін сақтап қалған донорлардың әрқайсысына ерекше алғыс айтқымыз келеді! Бірінші донор процедураға бірден келісті және екінші донормен баға жетпес тәжірибелерімен бөлісіп, оның барлық күмәндарын жеңуге көмектесті! Біз сіздерді мақтан тұтамыз! Сіздердің әрқайсысыңыз батырсыздар!
Абай облысы ДСБ «Облыстық қан орталығы» 18 бен 45 жас аралығындағы барлық дені сау адамдарды гемопоэтикалық дің жасушаларының донорларының Тіркеліміне қосылып, 9 мл қан тапсыруға және біреудің өмірін сақтап қалу мүмкіндігін сыйлауға шақырады!
