2025 жылдың басында Дүниежүзілік балалар обырына қарсы күрес күні шеңберінде Денсаулық сақтау министрлігі «Әсел Байсейітова атындағы қайырымдылық қоры» қоғамдық қорымен бірлесе отырып, гемопоэтикалық (ГДЖ) дің жасушаларының донорлығына тарту мақсатында марафон басталды.
2025 жылдың 11 ақпанында Абай облысының Денсаулық сақтау басқармасы мен Абай облысының Қан орталығы осы марафон аясында «Әрбір қан тамшысындағы өмір » атты акциясын ұйымдастырды.
Акция барысында қан донорлығы мен гемопоэтикалық дің жасушалар донорлығын насихаттауға арналған дөңгелек үстел өтті. Іс-шараға қатысушылар донорлыққа қатысты қызықтыратын сұрақтарын қойып, барлық қажетті мәліметтерді алды.
Әлеуетті донорларды ақпараттандыру олардың донор болуға деген шешімін мұқият қабылдауға көмектеседі. Осылайша, көптеген қатысушылар гемопоэтикалық дің жасушалары донорларының тізіліміне кірді.
Акция өз нәтижесін беріп, енді реципиенттердің өмірін сақтап қалу мүмкіндігі артты. Себебі генетикалық жақын адам табу өте сирек кездесетін жағдай. Екі үйлесімді адамның кездесу ықтималдығы - 1:10 000, ал егер генотип сирек болса - 1:10 миллионға сәйкес. Қазақстанда жыл сайын 300-ден астам адам сүйек кемігін трансплантациялау қажет етеді, олардың жартысы балалар мен жасөспірімдер. Донорлар тізіліміндегі әрбір жаңа адам мұқтаж реципиенттердің өмірін құтқаруға мүмкіндіктерін арттырады.
@abfond.kz
@healthcare.gov.kz
#абайоблысықанорталығы
#донорларөмір сыйлайды
Қазақстан Республикасы, Абай облысы,
Семей қ., Сеченов көш., 4/3
