2025 жылғы 30 сәуірде Абай облысының ДСБ «Облыстық қан орталығы» ШЖҚ КМК-да Қазақстан халқының бірлігі күніне арналған салтанатты іс-шара өтті. Бұл мемлекеттік мереке елімізде өмір сүріп жатқан барлық ұлт өкілдерінің достығын, өзара түсіністігі мен бірлігін білдіреді.
Әр ұлт өкілдері еліміздің мәдени және әлеуметтік дамуына өздерінің бірегей үлесін қосуда. Халықтар бірлігі – елдің тұрақтылығы мен гүлденуінің негізі, бейбіт қатар өмір сүру мен өзара құрметтің кепілі.
Осы күні Қан орталығының қызметкерлері ұлтаралық келісімнің маңыздылығын және халықтар арасындағы достық байланыстарды нығайтудың қажеттілігін атап өту үшін жиналды.
Іс-шара барысында Қан орталығы директорының құттықтау сөзі айтылып, мерекенің қоғамдағы бейбітшілік пен келісімді сақтаудағы маңыздылығы атап өтілді. Ерекше назар жастардың төзімділік пен өзара көмектесу дәстүрлерін сақтаудағы рөліне аударылды. Қазақстан халықтарының ұлттық дәстүрлерінің әртүрлілігін көрсететін мәдени қойылымдар ұйымдастырылды.
Қазақстан халқының бірлігі күнін Облыстық қан орталығында атап өту – күш-жігерді біріктіріп, мәдени әртүрлілікті құрметтеу арқылы ғана мықты қоғам құруға болатынын көрсетеді. Бұл күн әрқайсымызға ортақ Отанымыз — Қазақстан Республикасының гүлденуі жолында бір-бірімізге құрметпен қарау қажеттігін еске салады.
Қазақстан Республикасы, Абай облысы,
Семей қ., Сеченов көш., 4/3
