23 маусымда Абай облысы ДСБ Облыстық қан орталығында 40 тан астам қан донациясын жасаған тұрақты донорларға алғыс хаттар мен естелік сыйлықтар табыс етілді.
Абай облысы ДСБ Облыстық қан орталығы директорының міндетін атқарушы Оразданова Назигүл Амангелдіқызы шақырылған донорлардың алдында құттықтау сөз сөйлеп, алғыс хаттар мен бағалы сыйлықтарды табыстады. Күндіз-түні, кез келген уақытта қан тапсыруға және Облыстық қан орталығының қызметкерлері шақырған кезде пациенттерге көмектесуге дайын донорларға көптеген жылы және алғыс сөздер айтылды.
Донорлық-бұл өмірлік қиын жағдайға тап болған адамдарға көмектесуге мүмкіндік беретін өте қажет және ізгі іс.
Біз Абай облысындағы донорлық қозғалысқа белсенді қатысқандары үшін донорларымызға үлкен алғысымызды білдіреміз. Сізге зор денсаулық, амандық, табыс, бейбітшілік пен жақсылық тілейміз! Біз сіздерді бағалаймыз! Сіздерді әрқашан күтеміз!
Қазақстан Республикасы, Абай облысы,
Семей қ., Сеченов көш., 4/3